helpline khabar

देशको नेतृत्व हाँक्ने योग्य हुननै आफू मधेसमा चुनाव लड्न आएको कांग्रेस सभापति थापाको भनाइ

1 हप्ता अगाडी

News by: helpline

Shares: 2

सर्लाही । नेपाली कांग्रेसका सभापति गगनकुमार थापाले सर्लाही ४ लाई आफूले एक नम्बर बनाउन नसके जुनसुकै मुल्य चुकाउन तयार रहेको बताउनु भएको छ ।

थापाले बुधबार मधेसका ३२ वटा क्षेत्रमध्ये आफूले चुनाव उठेको क्षेत्रलाई एक नम्बर बनाएर छाड्ने दाबी गर्नुभयो ।उहाँले भन्नुभयो, ’सर्लाहीमा म यतिकै चुनाव लड्न आएको होइन। मधेसका ३२ वटा क्षेत्र छन् । त्यसमध्ये अन्य क्षेत्रभन्दा मैले चुनाव लडेको क्षेत्रलाई एक नम्बर बनाउन सकिन भने म जुनसुकै मुल्य चुकाउन तयार छु।

यो मेरो अन्य राष्ट्रिय नेताहरूलाई चुनौती पनि हो । आफू काठमाडौँबाट तीन –तीन पटक चुनाव जितेको मान्छे यत्तिकै मधेसमा चुनाव लड्न नझरेको स्पष्ट पार्दै सभापति थापाले आफू मधेस बुझ्न नै यहाँ आएको उललेख गर्नुभयो । साथै आफूले मधेस नबुझेसम्म देशको नेतृत्व गर्न योग्य नहुने कुरा पनि स्पष्ट पार्नुभयो ।

उहाँले भन्नुभयो , ’जुनदिसम्म म मधेस बुझ्न सक्दिन, त्यो दिनसम्म म यो देशको नेतृत्व हाक्न सक्ने योग्य हुन्न भन्ने मैले बुझेको छु।’ सभापति थापाले मधेसको कृषि, सिचाइँ र शिक्षामा आमूल परिवर्तन भएको हेर्न चाहेर नै मधेस झरेकोसमेत स्पष्ट पार्नुभयो ।