helpline khabar

नेप्से परिसूचक ५.७० अंकले बढ्यो

1 हप्ता अगाडी

News by: helpline

Shares: 5

काठमाडौँ । सेयर बजार परिसूचक नेप्से लगातार तेस्रो दिन पनि बढेको छ ।

साताको चौथो दिन आज बुधबार परिसूचक ५.७० अङ्कले बढेर बजार परिसूचक २६२५.७० अङ्कमा पुगेको छ । योसँगै आज बजारमा ४ अर्ब ५ करोड रुपैयाँ बराबरको कारोबार भएको छ ।

१४३ कम्पनीको मूल्य बढ्दा १०५ कम्पनीको मूल्य घटेको छ । ११ कम्पनीको मूल्य स्थिर रहेको छ । यस दिन होटल, निर्जीवन बीमा र ट्रेडिङमा गिरावट आउँदा बाँकी समूहका सूचक बढेका छन् । फाइनान्स समूहमा सबैभन्दा धेरै १.७५ प्रतिशत वृद्धि देखिएको छ । स्वस्तिक लघुवित्त र एसवाई प्यानलमा सकारात्मक सर्किट ब्रेकर लागेको छ ।

बाराही हाइड्रोपावरको मूल्यमा नकारात्मक सर्किट लागेको छ । आज युनियन हाइड्रोपावरमा सर्वाधिक २२ करोड ७८ लाख रुपैयाँ बराबरको कारोबार भएको छ । कारोबार हुने सेयर सङ्ख्याका आधारमा सोही कम्पनी अगाडि रहँदा कारोबार सङ्ख्याको आधारमा श्रीनगर एग्रिटेक इन्डष्ट्रिज अगाडि देखिएको छ ।

यसअघि मंगलबार बजार १८.३७ अङ्कले बढेको थियो भने सोमबार बजार ६.७४ अङ्कले बढेको थियो ।