News by: helpline
काठमाडौं । प्रतिनिधि सभाको सभामुखमा राष्ट्रिय स्वतन्त्र पार्टी (रास्वपा) का उपसभापति डोलप्रसाद (डीपी) अर्याल निर्विरोध निर्वाचित हुनु भएको छ ।
प्रतिनिधिसभाका सभामुखको निर्वाचन कार्यक्रम अन्तर्गत आज शुक्रबार उम्मेदवारहरुको मनोनयन तोकिएकोमा उपसभापति अर्यालको मात्रै एकल उम्मेदवारी परेपछि उहाँ निर्विरोध हुनुभएको हो । मनोनयन दर्ताका लागि शुक्रबार दिउँसो २ बजेसम्मको समय तोकिएको थियो ।
अब आगामी आइतबार प्रतिनिधि सभाको बैठकमा सभामुखको उम्मेदवारी बारेमा प्रस्ताव पेश गरिनेछ भने सोही सभाबाट अर्याल निर्विरोध निर्वाचित भएको घोषणा गरिने भएको छ । उम्मेदवारी दर्ताका क्रममा सञ्चारकर्मीहरुसँग अर्यालले आफू निर्वाचित भएमा संविधान र कानुनको परिधिभित्र बसेर काम गर्ने बताउनुभएको थियो ।
उपसभापति अर्यालको उम्मेदवारीको प्रस्तावक रास्वपा सभापति रवि लामिछाने र समर्थकमा सांसद स्वर्णिम वाग्ले, सोविता गौतम र सुनिल लम्साल रहनु भएको थियो ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
सांस्कृतिक धरोहर बचाउन एकजुट बेलायतमा बस्ने नेपाली
वाई.सी.एल.को श्रमदान अभियानमा युवाको उत्साह,
अष्ट्रेलियामा एभरेस्ट मार्शल आर्टस एकेडेमीको ऐतिहासिक सफलताः पहिलो सहभागितामै तीन पदक