News by: helpline
काठमाडौं । प्रतिनिधिसभा सदस्य निर्वाचनमा ३ प्रतिशत थ्रेस होल्ड कटाउन सफल ६ राजनीतिक दलले समानुपातिक तर्फ निर्वाचिन हुने सदस्यको नाम सिफारिस गरी निर्वाचन आयोगमा बुझाएका छन ।
गत फागुन २१ गते सम्पन्न प्रतिनिधि सभन सदस्यको निर्वाचनमा राष्ट्रिय स्वतन्त्र पार्टी, नेपाली कांग्रेस, नेकपा एमाले, नेपाली कम्युनिस्ट पार्टी, श्रम संस्कृति पार्टी र राष्ट्रिय प्रजातन्त्र पार्टीले निर्वाचनमा खसेको कुल सदर मतको ३ प्रतिशत थ्रेस होल्ड कटाए। निर्वाचन कानुन अनुसार प्रतिनिधि सभा निर्वाचनमा प्रत्यक्ष तर्फ कम्तिमा एक सटि निर्वाचित भएको र निर्वाचनमा खसेको कुल सदर मतको ३ प्रतिशत मत प्राप्त गर्ने दलले मात्रै समानुपातिकतर्फको सिट पाउने व्यवस्था छ ।
सोही व्यवस्था बमोजिम निर्वाचन आयोगले बिहीबार समानुपातिकतर्फको सिट बाँडफाँड गर्दै ३ प्रतिशत थ्रेस होल्ड कटाउने राजनीतिक दलहरूलाई तीन दिनभित्र उम्मेदवारको नाम छनौट गरी पेस गर्न पत्राचार गरेको थियो। प्रतिनिधि सभा निर्वाचनमा समानुपातिक निर्वाचन प्रणालीतर्फ रास्वपाले सबैभन्दा बढी ५७ सिट पाएको छ भने कांग्रेसले २० सिट, एमालेले १६ सिट, नेकपाले ९ सिट, श्रम संस्कृतिले ४ र राप्रपाले ४ सिट पाएका छन् । आइतवार समानुपातिक तर्फ सिट पाएका राजनीतिक दलहरू नेपाली कांग्रेस, नेकपा एमाले, नेपाली कम्युनिस्ट पार्टी, श्रम संस्कृति पार्टी र राष्ट्रिय प्रजातन्त्र पार्टीले आफूले पाएको सिट सङ्ख्या अनुसार बन्द सूचीमा रहेका नाम छानेर निर्वाचन आयोगमा बुझाएका हुन् ।
निर्वाचन आयोगले सबै राजनीतिक दलले समानुपातिक तर्फको नाम बुझाएको र प्राप्त सूचिमा क्लस्टर मिले नमिलेको रुजु गर्नेकाम शुरु गरिएको निर्वाचन आयोगले जनाएको । रुजुगर्ने क्रममा क्लस्टर नमिलेको पाइएमा दलहरुलाइ पत्रचार गरिने र सबै मिलेको पाइएमा छिट्टै आयोगले टुङ्ग्याएर पठाउने आयोगले जनाएको छ ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
सांस्कृतिक धरोहर बचाउन एकजुट बेलायतमा बस्ने नेपाली
वाई.सी.एल.को श्रमदान अभियानमा युवाको उत्साह,
अष्ट्रेलियामा एभरेस्ट मार्शल आर्टस एकेडेमीको ऐतिहासिक सफलताः पहिलो सहभागितामै तीन पदक
