helpline khabar

शान्ति, स्थायित्व र समृद्धिका लागि निर्वाचन: प्रधानमन्त्री कार्की

1 महिना अगाडी

News by: helpline

Shares: 6

प्रधानमन्त्री सुशीला कार्कीले निर्वाचनमार्फत शान्ति, स्थायित्व र समृद्धिका लक्ष्यप्राप्तिका लागि सरकार कटिबद्ध रहेको बताउनु भएको छ। नेपाल उद्योग वाणिज्य महासङ्घले आयोजना गरेको ‘शान्ति, स्थायित्व र समृद्धिका लागि सहकार्य कार्यक्रममा प्रधानमन्त्री कार्कीले सबैपक्षको साथ र संयमले मात्र सरकार लक्ष्यमा सफलता प्राप्त हुने बताउनु भयो। उहाँले फागुन २१ गते निर्वाचन सम्पन्न गर्ने स्पष्ट कार्यादेश भएको वर्तमान सरकार निर्वाचनका लागिगम्भीरतापूर्वक लागि रहेको पनि बताउनुभयो । सुशासनलाई संस्थागत गर्दै तोकिएकै समयमा चुनाव गराउन सरकार ठोस रूपमा अघि बढेको भन्दै प्रधानमन्त्री कार्कीले निर्वाचन सफलतापूर्वक सम्पन्न गर्न सबै दल, नागरिक समाज र निजी क्षेत्रको सहकार्य अपरिहार्य भएको पनि बताउनुभयो । जेनजी आन्दोलनका क्रममा देशले करिब ८४ अर्ब रुपैयाँ बराबरको क्षति भोग्नुपरेको उल्लेख गर्दै प्रधानमंत्री कार्कीले शान्ति र कानुनी सुव्यवस्था कायम राख्न सबैपक्ष संयमित बन्नुपर्नेमा जोड़ दिनुभयो । प्रधानमन्त्री कार्कीले व्यावसायिक सुरक्षाका लागि सरकारले केही महत्त्वपूर्ण कदम चालिसकेको उल्लेख गर्दै निजी तथा सार्वजनिक सम्पत्तिको सुरक्षाका लागि आवश्यक कदम चाल्न सरकार तयार रहेको स्पष्ट पार्नुभयो ।