helpline khabar

शुक्रबारदेखि बजारमा आधा सिलिन्डर मात्रै ग्यास पाइने

1 महिना अगाडी

News by: helpline

Shares: 13

काठमाडौं । नेपाल आयल निगमले शुक्रबारदेखि बजारमा आधा सिलिन्डर मात्रै ग्यास पठाउने निर्णय गरेको छ ।

आधा सिलिन्डर ग्यासको मूल्य पनि साविकको भन्दा आधा नै तोकिएको छ । नेपाली उपभोक्ताहरुले सहज रुपमा खाना पकाउने ग्यास नपाएको गुनासो गरिरहेका बेला निगमले बजारमा आधा सिलिन्डरमात्रै ग्यास पठाउने निर्णय गरेको हो । मध्यपूर्व र खाडी मुलुकहरु खासगरी इरानमा बढ्दो द्वन्द्वले पेट्रोलियम पदार्थ बोकेर आउने जहाजमा समेत आक्रमण हुँदा विश्वव्यापी आपूर्ति प्रक्रिया अवरुद्ध हुन थालेको छ ।

त्यसको प्रत्यक्ष असर नेपालमा पनि खाना पकाउने ग्यासको अभाव देखिएको छ । निगमले उपभोक्तालाई अनावश्यक रूपमा ग्यास संग्रह नगर्न आग्रह गरेको छ । निगमले सम्भावित समस्यासँग जुध्न सकभर विजुली चुल्होहरु इण्डक्सन र इन्फ्रारेडको प्रयोग गर्न पनि आग्रह गरेको छ ।

इरान द्वन्द्व लम्बिएको खण्डमा नेपालमा ग्यास मात्र नभइ अन्य पेट्रोलिम पदार्थको पनि अभाव हुन सक्ने भएकाले खपत कम गर्न निगमले आग्रह गरेको हो।