helpline khabar

साउदी अरव र कुबेतमा रहेका दुताबास र कुटनीतिक निकाय बन्द गर्ने अमेरिकी घोषणा

1 महिना अगाडी

News by: helpline

Shares: 5

एजेन्सी । अमेरिकाले मध्यपूर्व र खाडी मुलुकमा रहेका दुताबास र आफ्ना कुटनीतिक निकाय बन्द गर्ने घोषणा गरेको छ ।

गत शनिबार इरानमा अमेरिका र इजरायलले गरेको आक्रमणमा परी इरानका सर्वोच्च नेतासहितका उच्च नेतृत्वमा रहेका ब्यक्तिहरुको मृत्यु भएपछि खाडी मुलुक र मध्यपूर्वमा द्वन्द्व चर्किएको छ । बढ्दो तनावका बिचमा अमेरिकाले मध्यपूर्व र खाडी मुलुक स्थित दुतावास तथा कूटनीतिक मिसन बन्द गर्ने घोषणा गरेको हो ।

यस्तै तनावग्रस्त देशमा रहेका आफ्ना कर्मचारी र नागरिकलाई ती देश छोड्न आदेश दिएको छ । साउदी अरबको रियादस्थित अमेरिकी दूतावासमा मंलबारदेखि अर्को सूचना नआउन्जेल सम्मका लागि सबै कार्यहरु बन्द गरिएको छ । सामाजिक सञ्जाल एक्समा दूतावासले साउदी अरबमा रहेका अमेरिकी नागरिकलाई दुतावास परिसरबाट टाढा रहन आग्रह गरेको छ ।

यस अघि साउदी अरबका अधिकारीले रियादमा रहेको दूतावासमा दुई वटा ड्रोन प्रहार गरेको पुष्टि गरेका थिए । कुवेतस्थित अमेरिकी दूतावासले सामाजिक सञ्जाल एक्समार्फत अर्को सुचना जारी नभएसम्म सम्पुर्ण सेवा निलम्बन गरेको छ ।

अमेरिकाले मध्यपूर्वमा तीव्र रुपमा द्वन्द्व बढिरहेका समयमा यस्तो घोषणा गरेको हो । इरानले इजरायल र अन्य क्षेत्रीय संरचना विरुद्ध मिसाइल तथा ड्रोन आक्रमण सुरु गरेको छ । जसले द्वन्द्वलाई अझै चर्किने संभावना देखिएको छ ।