helpline khabar

संसद पुनः स्थापनाको अडान लिनु दुर्घटना दोहोर्‍याउन खोज्नु भएको प्रधानमन्त्री कार्कीको टिप्पणी

1 महिना अगाडी

News by: helpline

Shares: 2

काठमाडौं । प्रधानमन्त्री सुशीला कार्कीले राजनीतिक दलको साथ र सहयोगबिना निर्वाचन असम्भव भएको बताउनु भएको छ ।

आज बुधबार निर्वाचन आयोगमा दर्ता भएका दल सहितको सहभागितामा भएको सर्वदलीय बैठकमा सम्बोधन गर्दै उहाँले लोकतन्त्रका वाहक शक्ति राजनीतिक दल नै भएको र दलको साथ, सहयोग र सहभागिताबिना चुनावको परिकल्पना असम्भव हुने बताउनु भएको हो ।

बैठकमा प्रधानमन्त्री कार्कीले फागुन २१ मा निर्वाचन सम्पन्न गर्नु आफ्नो सरकारको प्रमुख काम रहेको र निर्वाचनले नै लोकतान्त्रिक निकास दिने उल्लेख गर्नुभयो ।

’अब संसद् पुनःस्थापनाको अडान लिने हो भने त्यस कार्यले केवल विगतको राजनीतिक दुर्घटनालाई दोहोर्‍याउन खोजेको पुष्टि हुने पनि प्रधानमन्त्री कार्कको भनाई थियो । लोकतन्त्रमा विश्वास गर्ने शक्तिहरूका लागि निर्वाचन भाग लिनुको कुनै विकल्प नभएको समेत प्रधानमन्त्री कार्कीको भनाई छ ।