News by: helpline
काठमाडौं। प्रधानमन्त्री सुशीला कार्कीले राष्ट्र, राष्ट्रियता, धर्म, संस्कृति तथा नागरिक बचाउ महाभियानका संयोजक दुर्गा प्रसाईंसँग छलफल गर्नुभएको छ ।
प्रधानमन्त्री तथा मन्त्रिपरिषदको कार्यालय सिंहदरवारमा आज सोमबार भएको बार्तामा अभियानले राखेका २७ बुँदे मागका सम्बन्धमा बुँदागत रुपमा छलफल भएको प्रसाईंले बताउनु भयो । वर्तमान सरकारले आफ्ना मागहरु सुनुवाइ गर्न सुरु गरेको पनि प्रसाईंको भनाई छ ।
आफूहरुले उठाएका जनजीविकाका विषय सुनुवाइ गरेको भन्दै प्रसाईंले सरकारलाई धन्यवाद पनि दिनुभएको छ । प्रधानमन्त्री सुशीला कार्कीले आफ्ना मागहरुलाई जनजीविका सम्बन्धित मागको रुपमा लिएको भन्दै पुस २ गतेसम्म कुनै निर्णयमा सरकार पुग्ने आश्वासन पाएको बैठकपछि प्रसाईंले जानकारी दिनुभयो ।
अभियानले उठाउँदै आएको माग पुरा गरेर निर्वाचन गर्न उपयुक्त हुने सुझाब आफूले दिएको प्रसाईंको भनाई छ । प्रधानमन्त्री कार्कीको निर्देशनमा समसामयिक राजनीतिक तथा सामाजिक मुद्दाहरूमा छलफलका लागि प्रसाईंलाई आज वार्तामा बोलाइएको थियो ।
प्रसाईंसँग प्रधानमन्त्री सुशीला कार्की र गृहमन्त्री ओमप्रकाश अर्यालसहितले छलफल गर्नुभएको हो ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
वाई.सी.एल.को श्रमदान अभियानमा युवाको उत्साह,
सांस्कृतिक धरोहर बचाउन एकजुट बेलायतमा बस्ने नेपाली
बेलायतस्थित नेपाली दूतावासले नेपाली सामुदायिक संस्थालाई अभिभावकत्व दिने
