helpline khabar

राजनीतिमा दुईवटा अतिवादी प्रवृत्ति सक्रिय रहेको संयोजक दाहालको दाबी

1 महिना अगाडी

News by: helpline

Shares: 9

काठमाडौं । नेपाली कम्युनिस्ट पाटी(नेकपा)का संयोजक पुष्पकमल दाहालले फागुन २१ गते हुने निर्वाचन राष्ट्रको स्वाधीनता र परिवर्तनको रक्षा गर्ने कडी भएको बताउनुभएको छ ।

बिहीवार पाटीृ कार्यालय पेरिस डाँडामा आयोजित पत्रकार सम्मेलनमा उहाँले देशमा देखिएका दुई अतिवादी प्रवृत्तिलाई परास्त गर्दै राष्ट्रिय एकता कायम गर्न आफ्नो पार्टी प्रतिवद्ध रहेको बताउनुभयो । संयोजक दाहालले वर्तमान निर्वाचन कुनै नियमित प्रक्रिया नभई देशको असहज परिस्थितिले निम्त्याएको निकास भएको बताउनु भयो । जेन–जी आन्दोलनका क्रममा भएका घटनाक्रम र देशको राजनीतिक उतारचढावलाई हेर्दा निर्वाचन नै तुलनात्मक रूपमा सहज विकल्प भएको उहाँको तर्क छ ।

‘सिङ्गै राष्ट्र निर्वाचन प्रक्रियामा संलग्न भइसकेको छ र अब निर्वाचन सुनिश्चित भएको छ ।’ उहाँले भन्नुभयो । दाहालले नेपाली राजनीतिमा अहिले दुईवटा अतिवादी प्रवृत्ति सक्रिय रहेको दाबी गर्नुभयो । पहिलो, २३ गते युवाहरूको शान्तिपूर्ण प्रदर्शनमा दमन गर्ने र हत्या गर्ने सरकारी अहंकारको प्रवृत्ति र दोस्रो, २४ गते आन्दोलनभित्र घुसपैठ गरी राष्ट्रिय धरोहर र पार्टी कार्यालयहरूमा आगजनी गर्ने विध्वंशकारी प्रवृत्ति रहेको बताउनु भयो ।

उहाँले यी दुवै प्रवृत्ति नेपाली जनता र राष्ट्रको हितमा नरहेको स्पष्ट पार्दै भन्नुभयो । ‘हामी यी दुवै अतिवादका विरुद्ध राष्ट्रिय एकता र स्वाधीनताको पक्षमा छौँ ।’ उहाँले भन्नुभयो । संयोजक दाहालले नेपाली कम्युनिस्ट पार्टी पहिलो बन्ने लक्ष्यका साथ मैदानमा उत्रिएको बताउनु भयो ।

उहाँले प्रत्यक्षतर्फ ६०–७० सिट र समानुपातिकसहित ९०–१०० सिट ल्याएर पहिलो पार्टी बन्ने विश्वास व्यक्त गर्नुभयो । यद्यपि, निर्वाचनको परिणाम जे आए पनि त्यसलाई स्वीकार गर्न आफूहरू प्रतिवद्ध रहेको उहाँको भनाइ छ ।