News by: helpline
काठमाडौं । जेनजीले काठमाडौंमा गरेको प्रदर्शनका क्रममा एक प्रदर्शनकारीको मृत्यु भएको छ ।
उनको सिभिल अस्पतालमा उपचारका क्रममा मृत्यु भएको हो । बानेश्वरको निषेधित क्षेत्र तोडेर प्रदर्शनकारी संसद् भवन छिरेपछि अवस्था थप तनावग्रस्त भएको थियो । सिभिल अस्पतालका कार्यकारी निर्देशक मोहनचन्द्र रेग्मीले उपचारका क्रममा एक जनाको अस्पतालमा मृत्यु भएको पुष्टि गर्नुभएको छ ।
मृत्यु हुनेको नाम भने खुलेको छैन । प्रहरीले पानीका फोहरा, अश्रुग्यास र रबरका गोली प्रहार गरेको छ । प्रहरीले चलाएको गोली लागेर ७० देखि ८० जना प्रदर्शनकारी घाइते भएका छन् । घाइतेहरूको सिभिल सहित अन्य विभिन्न अस्पतालमा उपचार भइरहेको छ । सामाजिक सञ्जाल बन्द र बेथिति बिरुद्ध नयाँ पुस्ताका युवा जेनजी( १३–२८ वर्ष उमेरभित्रका)हरुले काठमाडौंमा प्रदर्शन गरेका हुन ।
प्रदर्शन अनियन्त्रित भएपछि जिल्ला प्रशासन कार्यालय काठमाडौंद्वारा काठमाडौंका बिभिन्न स्थानमा कफ्र्यू आदेश जारी गरिएको छ । काठमाडौं बाहिरका देशका अन्य मुख्य शहरहरुमा पनि प्रदर्शन भइरहेको छ ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
वाई.सी.एल.को श्रमदान अभियानमा युवाको उत्साह,
सांस्कृतिक धरोहर बचाउन एकजुट बेलायतमा बस्ने नेपाली
बेलायतस्थित नेपाली दूतावासले नेपाली सामुदायिक संस्थालाई अभिभावकत्व दिने
