helpline khabar

पाँचौ राष्ट्रिय ज्येष्ठ नागरिक दिवस

1 महिना अगाडी

News by: helpline

Shares: 9

हाम्रो साझा अभियानः ज्येष्ठ नागरिकप्रति श्रद्धा र सम्मान’ भन्ने नाराका साथ आज विभिन्न कार्यक्रम आयोजना गरी पाँचौ राष्ट्रिय ज्येष्ठ नागरिक दिवस मनाइँदैछ । ज्येष्ठ नागरिकको हक, हित तथा अधिकारको संरक्षण गर्दै सम्मान, संरक्षण र सहभागिता प्रवर्द्धन गर्नका लागि विभिन्न कार्यक्रमहरू आयोजना गरी पाँचौ राष्ट्रिय ज्येष्ठ नागरिक दिवस मनाउन लागिएको हो । दिवसले ज्येष्ठ नागरिकप्रतिको हाम्रो सामूहिक दायित्व, जिम्मेवारी, कर्तव्य, सम्मान र आदरभावलाई पुनः स्मरण गराउँछ । जीवनको लामो यात्रामा उहाँहरूले गरेका त्याग, सेवा र योगदान हाम्रो समाजको अमूल्य सम्पत्ति हो । नेपालको संविधान तथा ज्येष्ठ नागरिकसम्बन्धी ऐन, २०६३ ले ज्येष्ठ नागरिकलाई विशेष संरक्षण र सामाजिक सुरक्षाको अधिकार सुनिश्चित गरेको छ । स्वास्थ्य सेवा, सम्मानजनक जीवन र सहयोग प्राप्त गर्ने अधिकार संविधानले प्रत्याभूत गरेको छ, जसले उहाँहरूको गरिमामय जीवनलाई बलियो आधार प्रदान गर्दछ । विसं २०५१ साल मंसीर १४ देखी २०५२ साल भदौ २७ नौ महिना सरकारको नेतृत्वको गर्नु भएका तत्कालीन प्रधानमन्त्री मनमोहन अधिकारी नेतृत्वको सरकारले ज्येष्ठ नागरिकलाई मासिक १ सय रुपैया वृद्धभत्ता दिने घोषणा गरेको थियो । हाल ज्येष्ठ नागरिकले मासिक ४ हजार वृद्धभत्ता पाउने गरेका छन् । नेपालमा करिव २९ लाख ज्येष्ठ नागरिकहरु रहेको र करिव २६ लाखले कुनै न कुनै सुविधा प्राप्त गरेको ज्येष्ठ नागरिक महासंघका अध्यक्ष सूर्यप्रसाद श्रेष्ठले वताउनु भयो । बाँकी ३ लाखले पेन्सन लगायतको सुविधा पाएको उल्लेख गर्दै अध्यक्ष श्रेष्ठले नेपालमा ३ हजार ज्येष्ठ नागरिकको कोही केही नभएको र नागरिकता समेत नभएकाले राज्यको सुविधाबाट बन्चित रहेको वताउनु भयो । राज्यले वनाएका ऐन कानुन प्रभावकारी कार्यान्वयन हुने र हरेक घरपिरवार र विद्यालयले ज्येष्ठ नागरिकको महत्व बुझाउन सके मात्रै ज्येष्ठ नागरिकले सम्मानित जिवन अध्यक्ष श्रेष्ठ बुझाइ छ ।