helpline khabar

नवनिर्वाचित प्रतिनिधिसभा सदस्यद्वारा पद तथा गोपनीयताको शपथ ग्रहण

2 हप्ता अगाडी

News by: helpline

Shares: 6

काठमाण्डौ। फागुन २१ गते सम्पन्न प्रतिनिधि सभा निर्वाचनबाट नवनिर्वाचित प्रतिनिधिसभा सदस्यहरुले पद तथा गोपनीयताको शपथ लिनुभएको छ ।

सिंहदरबारस्थित निर्माणाधीन सङ्घीय संसद् भावनको बहुउद्देश्यीय हलमा आयोजित समारोहमा प्रतिनिधिसभाका ज्येष्ठ सदस्य अर्जुननरसिंह केसीले नव निर्वाचित प्रतिनिधि सभा सदस्यहरुलाई पद तथा गोपनीयताको शपथ गराउनुभएको हो । ज्येष्ठ सदस्य केसीले बुधबार राष्ट्रपति रामचन्द्र पौडेलसमक्ष पद तथा गोपनीयताको शपथ लिनुभएको थियो । निर्वाचित प्रतिनिधि सभा सदस्यले संघीय संसद वा समितिको बैठकमा सहभागी हुनु पुर्ब पद तथा गोपनीयताको शपथ लिनुपर्ने संबैधानिक र कानूनी ब्यबस्था रहेको छ।

त्यसैगरी सभामुख र उपसभमुख निर्वाचित नभई सकेको अबस्थामा निर्वाचित मध्ये ज्येष्ठ सदस्यले शफथ गराउने कानूनी ब्यबस्था रहेको छ। सोहि ब्यबस्था बमोजिम ७८ बर्षीय अर्जुननरसिंह के .सी. ले नवनिर्वाचित प्रतिनिधि सभा सदस्यहरुलाई शफथ ग्रहण गराउनु भएको हो। गत फागुन २१ गते सम्पन्न प्रतिनिधिसभा सदस्यको निर्वाचनमा राष्ट्रिय स्वतन्त्र पार्टी (रास्वपा) ले १८२, नेपाली कांग्रेसले ३८, नेकपा (एमाले)ले २५, नेपाली कम्युनिस्ट पार्टीले १७, श्रम संस्कृति पार्टीेले सात र राष्ट्रिय प्रजातन्त्र पार्टीले पाँच सिट प्राप्त गरेका छन् ।