helpline khabar

नेकपा एमालेले प्रतिनिधि सभा बिघटन बिरुद्ध हालेको रिटमा सर्वोच्चद्वारा कारण देखाउ आदेश

2 महिना अगाडी

News by: helpline

Shares: 2

काठमाडौं । नेकपा एमालेले प्रतिनिधि सभा बिघटन बिरुद्ध हालेको रिटमा सर्वोच्च अदालतले कारण देखाउ आदेश जारी गरेको छ ।

आज बुधबार सर्वाेच्चको संवैधानिक इजलासले एमालेले दायर गरेको प्रतिनिधिसभा विघटनविरुद्धको रिटमा कारण देखाउ आदेश जारी गरेको हो । प्रधानन्यायाधीश प्रकाशमान सिंह राउतसहितको पाँच न्यायाधीशको इजलासले ७ दिनभित्र लिखित जवाफ पेस गर्न आदेश गरेको हो ।

त्यस्तै संवैधानिक इजलासले यसअघि दर्ता भएर विचाराधीन रहेका प्रतिनिधिसभा विघटनविरुद्धका रिटहरुसँगै राख्न आदेश पनि गरेको छ ।

प्रतिनिधिसभा पुनःस्थापना हुनुपर्ने भन्दै एमालेका तर्फबाट तत्कालीन संसदीय दलका मुख्य सचेतक महेश बर्तौला र सचेतक सुनिता बरालले रिट दायर गर्नुभएको थियो ।

गत भदौ २३ र २४ गते भएको जेनजी आनदोलन पछि पूर्व प्रधानन्यायाधीश सुशीला कार्की २७ भदौमा प्रधानमन्त्री बन्नु भएको थियो । कार्कीको सिफारिसमा २७ भदौमा नै राष्ट्रपति रामचन्द्र पौडेलले प्रतिनिधिसभा विघटन गर्नुभएको थियो ।

प्रधानमन्त्री कार्कीले गरेको प्रतिनिधि सभा विघटनको निर्णयलाई उल्ट्याएर संसद पुनर्स्थापना गर्न एमालेले माग गरेको छ।