helpline khabar

नेकपा एमालेको ११ औं महाधिवेशन आजबाट शुरु

4 महिना अगाडी

News by: helpline

Shares: 3

काठमाडौं । नेकपा एमालेको ११ औं महाधिवेशन आज शनिबारबाट भक्तपुरको सल्लाघारीमा शुरु भएको छ ।

महाधिवेशनको नेकपा एमालेका अध्यक्ष केपी शर्मा ओलीले उद्घाटन गर्नुभएको थियो । ओलीले शनिबार दिउँसो रिमोटबाट झन्डोत्तोलन गर्दै औपचारिक रुपमा कार्यक्रमको उद्घाटन गर्नुभएको थियो । ‘निर्णायक राष्ट्रिय शक्ति निर्माण हाम्रो संकल्प, समृद्ध नेपाल सुखी नेपाली राष्ट्रिय गन्तव्य’ भन्ने मूल नारासाथ एमालेको एघारौं महाधिवेशन आजदेखि सुरु भएको हो ।

हरेक पाँच वर्षमा महाधिवेशन गर्ने विधानको व्यवस्था भए पनि यसपालि एक वर्षअघि नै आयोजना गरिएको छ । दसौं महाधिवेशन मंसिर २०७८ मा चितवनमा भएको थियो । जेन–जी आन्दोलनपछि विकसित नयाँ राजनीति परिस्थितिमा एमाले महाधिवेशन हुन लागेको हो । नीति र विधि तय गर्ने विधान महाधिवेशन गत भदौमा भइसकेकाले यो महाधिवेशन नेतृत्व चयनमा केन्द्रित हुनेछ ।

नेतृत्वका लागि वरिष्ठ उपाध्यक्ष ईश्वर पोखरेलले उम्मेदवारी घोषणा गरिसक्नु भएको छ । ओलीले उम्मेदवारी घोषणा नगरेपनि उहाँ पुन दोहोरिन खोज्नु भएको छ ।