helpline khabar

मधेश प्रदेशमा सभामुखले पाँचजना सांसदलाई गरेको कारवाही सपसभामुखद्वारा बदर

7 महिना अगाडी

News by: helpline

Shares: 1

जनकपुरधाम । मधेशमा सभामुख रामचन्द्र मण्डलमाथि अविश्वासको प्रस्ताव दर्ता भएपछि उहाँले पाँचजना सांसदलाई कारबाही गरेकोमा उपसभामुख बबिता कुमारी राउत ईशरले कारवाही बदर गर्नु भएको छ ।

लगातार १० पटक प्रदेशसभा बैठकमा अनुपस्थित भएको भन्दै सभामुख मण्डलले पाँचजना सांसदलाई बिहिबार पदमुक्त गर्नुभएको थियो । सभामुख मण्डलले नागरिक उनमुक्ति पार्टीकी सांसद, उर्मिला देवी सिंह, जसपाका सांसद मनिष कुमार सुमन, सप्तरी, संजय कुमार यादव, सिंहासन सा कलवार र सारदा संकर प्रसाद कलवारमाथि कारबाही गर्नुभएको थियो ।

तर बिहिबारनै उपसभामुख राउतले ती सांसदहरु कात्तिक २२ गतेको बैठकमा उपस्थित भएको हाजिरी र भिडियो रेकर्ड रहेको भन्दै उनीहरुमाथिको कारबाही बदर भएको उल्लेख गर्दै सूचना जारी गर्नुभएको थियो । संविधानको धारा १८० मा प्रदेश सभा सदस्यको स्थान रिक्त हुने सम्बन्धी व्यवस्था रहेको छ ।

सोही धाराको उपधारा ‘घ’ मा प्रदेश सभालाई सूचना नदिई लगातार दश वटा बैठकमा अनुपस्थित रहेमा प्रदेश सभा सदस्यको स्थान रिक्त हुने व्यवस्था रहेको छ । सोही धारा प्रयोग गरेर सभामुख मण्डलले उनीहरुलाई पदमुक्त गर्नुभएको हो । मण्डलले पाँच जना सांसदलाई पदमुक्त गरेको सूचना जारी गरेपछि उपसभामुख राउतले कारवाही बदर भएको भन्दै प्रतिवाद गर्नुभएको हो ।