News by: helpline
काठमाडौं । मधेश प्रदेशकी प्रदेश प्रमुख सुमित्रा सुवेदी भण्डारीले नयाँ मुख्यमन्त्रीमा नेकपा एमालेका प्रदेश सभा सदस्य सरोज कुमार यादव(महोत्तरी) लाई नियुक्त गर्नुभएको छ ।
बिरामीको बहाना बनाएर काठमाडौं हिड्नु भएकी प्रदेश प्रमुख भण्डारीले आज सोमबार बिहान महोत्तरीको बर्दिवासस्थित पानस कटेजमा संविधानको धारा १६८ को उपधारा ३ बमोजिम मधेश प्रदेशको मुख्यमन्त्रीमा ठूलो दलको हैसियतले एमालेका संसदीय दलका नेता सरोज कुमार यादव(महोत्तरी)लाई नियुक्त गर्नुभएको हो । सोमबार बिहानै ४ भण्डारी बजे बिरामी छु भन्दै जनकपुरबाट काठमाडौंका लागि हिड्नु भएको थियो ।
तर उहाँले बाटैमा यादवलाई मुख्यमन्त्री नियुक्त गर्नुभयो । प्रदेश प्रमुख भण्डारीलाई कांग्रेससहित ७ दलले संविधानको धारा १६८ को उपधारा २ बमोजिम दुई वा दुई भन्दा बढी दलले सरकार बनाउन भन्दै आह्वान गर्न दबाब दिइरहेका थिए । एमालेले पनि संविधानको धारा १६८ को उपधारा ३ बमोजिम सरकार गठन हुनुपर्ने भन्दै दबाब दिएको थियो ।
एमाले कोटामा प्रदेश प्रमुख बन्नु भएकी भण्डारीले ठूलो दलको हैसियतमा संविधानको धारा १६८ को ३ बमोजिम एमाले संसदीय दलको नेता सरोजकुमार यादवलाई मुख्यमन्त्री नियुक्त गर्नु हुने हो कि भन्ने शंकाले हिजो आइतबार कांग्रेस सहित अन्य सात दलले प्रदेश प्रमुख भण्डारीलाई ध्यानाकर्षण गराएका थिए ।
तर भण्डारीले कांग्रेस सहित सात दलको बेवास्ता गर्दै यादवलाई मुख्यमन्त्री नियुक्त गर्नुभयो । केही दिनअघि मात्र लोसपाका जितेन्द्र सोनलले विश्वाको मत नपाउने अवस्था आएपछि मुख्यमन्त्री पदबाट राजीनामा दिनुभएको थियो ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
वाई.सी.एल.को श्रमदान अभियानमा युवाको उत्साह,
सांस्कृतिक धरोहर बचाउन एकजुट बेलायतमा बस्ने नेपाली
बेलायतस्थित नेपाली दूतावासले नेपाली सामुदायिक संस्थालाई अभिभावकत्व दिने
