helpline khabar

मधेसका मुख्यमन्त्री यादवलाई २४ घण्टाभित्र विश्वासको मत लिन सर्वाेच्चको आदेश

3 हप्ता अगाडी

News by: helpline

Shares: 2

काठमाडौं । सर्वोच्च अदालतले मधेस प्रदेशका मुख्यमन्त्री सरोज यादवलाई २४ घण्टाभित्र विश्वासको मत लिन आदेश दिएको छ ।

गैरसंवैधानिक ढंगले यादवको नियुक्ति भएको भन्दै ७३ जना प्रदेश सांसदहरूले पेश गरेको रिट निवेदनमा सोमबार सर्वोच्च अदालतका न्यायाधीशद्वय हरिप्रसाद फुयाँल र नित्यानन्द पाण्डेको संयुक्त इजलासले यस्तो आदेश गरेको हो । सर्वोच्चले मुख्यमन्त्री यादवले २४ घण्टाभित्र विश्वासको मत प्राप्त गर्न नसकेमा संविधानको धारा १६८ को २ बमोजिम सरकार गठन गर्न परमादेश जारी गरेको हो ।

गत २४ कात्तिकमा तत्कालीन प्रदेश प्रमुख सुमित्रा सुवेदी भण्डारीले यादवलाई मुख्यमन्त्रीमा नियुक्त गरेर सोही दिन बिहान महोत्तरीको एक होटेलमा शपथ खुवाउनु भएको थियो।

बहुमतको सरकार बनाउने संवैधानिक प्रावधान मिचेर ठुलो दलको संसदीय नेताको हैसियतमा मुख्यमन्त्री नियुक्ति गरेपछि मधेशमा विवाद भएको हो।