helpline khabar

मनाङ लगायतका हिमाली जिल्लामा हिमपात

3 महिना अगाडी

News by: helpline

Shares: 3

काठमाडौं । मनाङ लगायतका हिमाली जिल्लामा बाक्लो हिमपात भएको छ ।

मनाङको पिसाङ, नार्पाभूमि लगायतका क्षेत्रमा हिमपात भइरहेको हो । सबैभन्दा बढी तिलिचो र थोराङ्ला क्षेत्रमा हिमपात भएको छ । खाङसारदेखि तिलिचो बेसक्याम्पतर्फ बाक्लो हिमपात भएको छ । मनाङको सदरमुकाम चामेमा पानी परिरहेको छ ।

माथिल्लो क्षेत्रमा सोमबार राति साढे ९ बजेदेखि हिमपात भइरहेको छ । अन्नपूर्ण पदमार्गबाट तिलिचो र थोराङ्ला पास गर्ने पर्यटकलाई हिमपात नरोकिएसम्म जहाँको त्यहीँ रोकिन स्थानीय प्रशासनले आग्रह गरेको छ ।

मौसम पूर्वानुमान महाशाखाले बुधबार बिहानसम्म गण्डकी प्रदेश, लुम्बिनी प्रदेश र कर्णाली प्रदेशका केही स्थानहरूमा तथा बाँकी प्रदेशका पहाडी तथा हिमाली भू–भागका थोरै स्थानहरूमा हल्कादेखि मध्यम हिमपात तथा वर्षाको सम्भावना रहेको बताएको छ ।