helpline khabar

काठमाडौंका पूर्व सिडिओ रिजाल हाजिर जमानीमा रिहा

1 हप्ता अगाडी

News by: helpline

Shares: 5

काठमाडौं । मंगलबार बिहान आफ्नै निवासबाट पक्राउ गर्नुभएका काठमाडौंका पूर्व प्रमुख जिल्ला अधिकारी छवि रिजाल हाजिर जमानीमा रिहाई हुनु भएको छ ।

जिल्ला सरकारी वकिलको परामर्शमा पछि खोजेको बखत उपस्थित हुने गरी हाजिर जमानीमा रिजाललाई छाडिएको काठमाडौं प्रहरी परिसरका प्रवक्ता पवन कुमार भट्टराईले जानकारी दिनुभयो । गत भदौ २३ र २४ गते भएको जेनजी आन्दोलनमा दमन गरेको आरोपमा उहाँलाई मंगलबार बिहान मात्र पक्राउ गरिएको थियो।

गौरीबहादुर कार्की नेतृत्वको जाँचबुझ आयोगको सिफारिसका आधारमा रिजाललाई पक्राउ गरिएको प्रहरीले बताएको थियो । कार्की आयोगको प्रतिवेदनका आधारमा तत्कालीन प्रधानमन्त्री केपी शर्मा ओली र ततकालीन गृहमन्त्री रमेश लेखकलाई प्रहरीले पक्राउ गरेर हिरासतमा राखेको छ ।