News by: helpline
काठमाडौं । बेथिति बिरुद्ध नयाँ पुस्ताका युवा जेन जी( १३–२८ वर्ष उमेरभित्रका)हरुले काठमाडौंमा गरेको प्रदर्शन तनावग्रस्त भएपछि काठमाडौंका बिभिन्न स्थानमा कर्फ्यू आदेश जारी गरिएको छ ।
माईतीघर मण्डलामा भेला भएका प्रदर्शनकारीहरु प्रहरीको व्यारिकेड तोड्दै नयाँ बानेश्वर तर्फ अघि बढेपछि अवस्था तनावग्रस्त बनेको हो ।
प्रहरीको ब्यारिकेड तोडेर प्रदर्शनकारीहरु संसद भवन तर्फ अघि बढेपछि प्रहरीले पानीको फोहरा र अश्रुग्यास प्रहार गरेको थियो । प्रहरीले संसद भवन प्रवेश गर्न खोजेका युवाहरूलाई हटाउन प्रयास गरेको थियो । प्रदर्शनकारीले संसद भवनभित्र प्रवेश गर्ने गेटमा आगो लगाएका थिए ।
तनावको अवस्था सिर्जना भएपछि कर्फ्यू आदेश जारी भएको हो । जिल्ला प्रशासन कार्यालय काठमाडौंले माइतीघर, बानेश्वर, तीनकुने र शंखमुल आसपासमा आज मध्यान्ह साढे १२ बजेदेखि राति १० बजेसम्मका लागि कफ्र्यू जारी गरेको हो । यसैगरी जिल्ला प्रशासन कार्यालयले राष्ट्रपति निवास परिसर लगायतका संवेदनशील क्षेत्रमा पनि कफ्र्यू,लगाएको छ ।
राष्ट्रपति कार्यालय शीतल निवास आसपास महाराजगन्ज क्षेत्र, उपराष्ट्रपति निवास लैनचौर क्षेत्र, सिंहदरबारको चारैतिर, प्रधानमन्त्री निवास बालुवाटार क्षेत्रमा पनि कर्फ्यू, थप गरेको छ ।
यसैबीच प्रदर्शनमा घुसपैठ भएको भन्दै जेनजी आन्दोलनका आयोजकले सबैलाई घर फर्किन आग्रह गरेका छन् । जेन जीहरुले पहिलो पटक यसरी सडकमा उत्रिएर प्रदर्शन गरेका हुन् । सामाजिक सञ्जाल बन्द गर्ने सरकारको कदम,भ्रष्टाचार लगायतका विरुद्ध जेनजीले प्रदर्शन गरेका हुन् ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
वाई.सी.एल.को श्रमदान अभियानमा युवाको उत्साह,
सांस्कृतिक धरोहर बचाउन एकजुट बेलायतमा बस्ने नेपाली
बेलायतस्थित नेपाली दूतावासले नेपाली सामुदायिक संस्थालाई अभिभावकत्व दिने
