News by: helpline
काठमाडौं । जापानमा भइरहेको आइची–नागोया एसियाली खेलकुद २०२६ मा क्रिकेटमा नेपालले विजयी सुरुआत गरेको छ ।
नागोयास्थित कोरोबी एथलेटिक पार्कमा नेपालले शुक्रबार अफगानिस्तानलाई पाँच विकेटले हरायो । अफगानिस्तानका कप्तान दार्विस रसुलले टस जितेर गरेको पहिले ब्याटिङको निर्णय गलत सावित भएको थियो । नेपालका लेफ्ट आर्म स्पीनर ललित राजवंशीले सुरुमै तिन र त्यसपछि कामचलाउ बलर कुशल भुर्तेलले चार विकेट लिएपछि अफगानिस्तानले निर्धारित २० ओभरमा सात विकेटको क्षतिमा १०२ रनको सामानय स्कोर बनाएको थियो ।
नेपालले १६ बल बाँकी छँदै पाँच विकेटको क्षतिमा १०३ रन बनाएर लक्ष्य प्राप्त ग¥यो । नेपालले १२ वर्षपछि अफगानिस्तानलाई हराएको हो । सन् २०१४ मा बङगलादेशमा भएको टि२० विश्वकपमा अफगानिस्तानलाई नौ रनले हराएपछि नेपालले पुनः सो टिमविरुद्ध जित प्राप्त गरेको हो । सोही वर्ष अफगानिस्तानले इन्छन एसियाडमा पनि नेपाललाई क्वाटरफाइनलमा दुई विकेटले हराएको थियो । अब समूह एमा रहेको नेपालले शनिबार आयोजक जापानसँग खेल्नेछ ।
सो खेल जितेमा नेपाल समूह विजेता बनेर अगाडि बढ्नेछ । दुई समूहबाट शीर्ष दुई स्थानमा रहने टिम क्वाटरफाइनलमा पुग्ने प्रावधान रहेको छ । समूह बीमा मलेसिया, हङकङ र ओमान रहेका छन् । गत विजेता भारत, पाकिस्तान, श्रीलङ्का र बङगलादेशले सीधै अन्तिम आठमा खेल्नेछन् ।
मुख्य समाचार
No ad available.
सम्बन्धित खबर
No ad available.
पढ्नै पर्ने
एनआरएन पोर्चुगलमा लाखौंको हिनामिनाको आरोप !
दिलिप गुरुङको समूहलाई फ्रान्स सरकारद्वारा आधिकारिकता प्रदान
सांस्कृतिक धरोहर बचाउन एकजुट बेलायतमा बस्ने नेपाली
अष्ट्रेलियामा एभरेस्ट मार्शल आर्टस एकेडेमीको ऐतिहासिक सफलताः पहिलो सहभागितामै तीन पदक
