helpline khabar

जनताप्रति जिम्मेवार भएर प्रस्तुत हुन आफ्ना नवनिर्वाचित सांसदहरुलाई रबि लामिछानेको निर्देशन

3 हप्ता अगाडी

News by: helpline

Shares: 10

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले निर्वाचनमा जनताले दिएको अभिमतलाई सम्मान गर्दै देश र जनताप्रति जिम्मेवार भएर प्रस्तुत हुन आफ्ना नवनिर्वाचित प्रतिनिधिसभा सदस्यलाई निर्देशन दिनुभएको छ ।

रास्वपाका नवनिर्वाचित सांसदहरुलाई लक्षित गरेर सुरु भएको अभिमुखीकरण कार्यक्रमको समापन समारोहमा लामिछानेले यस्तो बताउनु भएको हो । लामिछानेले नवनिर्वाचित सांसदहरुलाई दलको सिद्धान्त र आगामी दिनमा खेल्नुपर्ने भूमिकाका बारेमा प्रशिक्षण मन्तव्य दिने क्रममा निर्वाचनमा जनताले दिएको अभिमतलाई सम्मान गर्दै देश र जनताप्रति जिम्मेवार भएर प्रस्तुत हुन आफ्ना नवनिर्वाचित प्रतिनिधिसभा सदस्यलाई निर्देशन दिनुभयो । मंगलबारबाट ललितपुरको एक होटलमा सुरु भएको अभिमुखीकरण कार्यक्रममा विभिन्न विषय विज्ञहरुले प्रशिक्षण दिनुभएको थियो ।

दुइदिने अभिमुखीकरण कार्यक्रम आज बुधबार सकिएको हो । रास्वपाले गत फागुन २१ गते भएको प्रतिनिधि सभा निर्वाचनमा १२५ प्रत्यक्षतर्फ र समानुपातिकतर्फ ५७ सिटमा विजयी हासिल गरेको थियो । करिब दुई तिहाई बहुमतको नजिग पुगेको रास्वपाले अब केही दिनमा नै सो पार्टीका वरिष्ठ नेता बालेन्द्र शाहलाई प्रधानमन्त्री बनाएर नयाँ सरकार गठन गर्ने तयारी गर्दैछ ।