helpline khabar

जेनजी आन्दोलन पछि देश प्रतिक्रान्ति तर्फ अघि बढेको एमाले अध्यक्ष ओलीको भनाई

4 महिना अगाडी

News by: helpline

Shares: 4

काठमाडौं । नेकपा (एमाले)का अध्यक्ष एवं निवर्तमान प्रधानमन्त्री केपी शर्मा ओलीले प्रधानमन्त्री सुशीला कार्कीले आफूलाई पक्राउ गर्न दवाव दिइरहेको दाबी गर्नुभएको छ ।

शनिवार नेकपा एमालेको पार्टी मुख्यालय ललितपुरको च्यासलमा आयोजित एक कार्यक्रममा बोल्दै ओलीले प्रधानमन्त्री कार्कीले आफूलाई पक्राउ गर्नका लागि सम्पती शुद्धिकरण विभागमा नेतृत्वनै परिवर्तन गरेको जिकिर समेत गर्नुभयो ।

उहाँले सम्पती सुद्धिकरण विभागमाथि प्रधानमन्त्री कार्कीले आफूलाई पक्राउ गर्न बारम्बार दबाब दिँदा पनि नमानेपछि त्यहाँका प्रमुखलाई सरुवा गरेर आफू अनुकलको व्यक्ति ल्याएको समेत बताउनुभयो । अध्यक्ष ओलीले सरकारले राजदुत फिर्ता गर्नै नहुने काम गरेको आरोप समेत लगाउनुभयो ।

ओलीले भदौ २३ र २४ को घटनापछि देश प्रतिक्रान्ति तर्फ अघि बढेको पनि बताउनु भयो । उहाँले प्रतिगमन हटाएर देश र संविधानलाई मूल बाटोमा ल्याउनु आजको आवश्यकता रहेको उललेख गर्नुभयो । अध्यक्ष ओलीले कार्की नेतृत्वको सरकार अवैधानिक भएको भन्दै यसले अध्यादेश ल्याउने काम गर्न नहुने बताउनु भयो ।