helpline khabar

इरानमाथि हमलाको नयाँ चरण शुरु गरेको इजरायलको भनाई

1 महिना अगाडी

News by: helpline

Shares: 8

एजेन्सी । इजरायली सेनाले इरानको राजधानी तेहरानमा सैन्य पूर्वाधारलाई लक्षित गर्दै हमलाको नयाँ चरण शुरु गरेको बताएको छ।

गत शनिबार इजरायल र अमेरिकाले इरानमा आक्रमण गरेपछि मध्यपूर्व र खाडी मुलुकहरुमा तनाव उत्पन्न भएको छ । दुबै देशले गरेको आक्रमणमा इरानका सर्वाेच्च नेता आयतोल्लाह अली खामेनेई लगायतका उच्च तहका नेताहरु मारिएका छन् । गत शनिबार इरानको एउटा बिद्यालयमा आक्रमण हुँदा १६० जना भन्दा बढी बालबालिकाको मृत्यु भएको छ ।

हिजो बुधबार श्रीलंका नजिकै हिन्द महासागरमा अमेरिकाले इरानी युद्धपोतमा आक्रमण गरेको थियो । सो घटनामा ८० सैनिकको मृत्यु भएको पुष्टि भएको छ। जसमा १८० जना सवार रहेको बतायएको छ । अमेरिकी पनडुब्बीको टर्पेडो आक्रमणबाट उक्त युद्धपोत जहाज डुबेको बताइएको छ ।

यसैबीच अमेरिकी सांसदहरूले युद्धको विरुद्धमा मतदान गरेका छन् । जसले राष्ट्रपति डोनाल्ड ट्रम्पको इरानमा थप सैन्य कारबाहीको आदेश दिने क्षमतालाई सीमित पारेको बताइएको छ । अमेरिका र इजरायलको आक्रमणमा परी हालसम्म इरानमा एक हजार जना भन्दा बढी सर्वासाधारणको मृत्यु भएको जनाइएको छ ।