News by: helpline
काठमाडौं । नेपाल सरकारले अवस्था सामान्य नहुँदासम्म नेपालीलाई इजरायल र इरानको यात्रा नगर्न आग्रह गरेको छ ।
परराष्ट्र मन्त्रालयले शनिबार एडभाइजरी जारी गर्दै दुवै देशको अवस्था सामान्य नहुँदासम्म यात्रा योजना स्थगित गर्न सुझाव दिएको हो । मन्त्रालयले इजरायल वा इरान जाने तयारीमा रहेका नेपाली नागरिकहरूलाई हालको परिस्थितिलाई मध्यनजर गर्दै अनावश्यक यात्रा नगर्न र सुरक्षित समयसम्म प्रतीक्षा गर्न अनुरोध गरेको छ । साथै, हाल ती देशहरूमा बसोबास गरिरहेका नेपाली नागरिकहरूलाई उच्च सतर्कता अपनाउन आग्रह गरिएको छ ।
मन्त्रालयको एडभाइजरीका ६ बुँदा
१. इजरायल र इरानका सम्बन्धित निकायले जारी गरेका सुरक्षा सम्बन्धी निर्देशन र सल्लाहको पूर्ण रूपमा पालना गर्ने,
२. सकेसम्म घरभित्रै रहने, सतर्कता अपनाउने, सावधानी अपनाउने र आफ्नो क्षेत्रमा रहेका नेपाली समुदायसँग नियमित सम्पर्कमा रहने,
३. इजरायल र इरानका आधिकारिक निकायको पूर्वस्वीकृतिबिना यात्रा नगर्ने,
.४. काठमाडौँस्थित परराष्ट्र मन्त्रालय, तेल अभिभस्थित नेपाली राजदूतावास र दोहास्थित नेपाली राजदूतावासको सम्पर्कमा रहने,
५. इजरायल वा इरान भ्रमणको योजना बनाइरहनुभएका नेपाली नागरिकलाई दुवै देशको स्थिति सामान्य नभएसम्मका लागि आफ्नो भ्रमण स्थगित गर्न कडा आग्रह गरिन्छ,-
६.मध्यपूर्वका अन्य देशमा बसोबास गरिरहेका र कार्यरत नेपाली नागरिकलाई पनि घटनाक्रमको निरन्तर अनुगमन गर्न र सम्बन्धित देशका निकायले सुझाएका सुरक्षा उपाय पालना गर्ने।
इजरायल र अमेरिकाले इरानमा आक्रमण गरेपछि मध्यपूर्वमा तनाव उत्पन्न भएको छ । इरानानथि इजरायल रअमेरिकाले भीषण हमला गरिरहेको छ ।
मुख्य समाचार
No ad available.
सम्बन्धित खबर
No ad available.
पढ्नै पर्ने
एनआरएन पोर्चुगलमा लाखौंको हिनामिनाको आरोप !
दिलिप गुरुङको समूहलाई फ्रान्स सरकारद्वारा आधिकारिकता प्रदान
सांस्कृतिक धरोहर बचाउन एकजुट बेलायतमा बस्ने नेपाली
वाई.सी.एल.को श्रमदान अभियानमा युवाको उत्साह,
