News by: helpline
काठमाडौं । नेकपा (एमाले) का अध्यक्ष एवं पूर्वप्रधानमन्त्री केपी शर्मा ओली आफ्नो निर्वाचन क्षेत्र झापा–५ मा मतदाता तथा स्थानीय जनताका कुरा सुन्न पुग्नुभएको छ ।
एमालेले पार्टीका तर्फबाट स्थानीय क्षेत्रको प्रतिबद्धतापत्र तथा घोषणापत्र बनाउनुअघि स्थानीयको आवाज सुन्न आफू घरदैलोमा आएको ओलीले बताउनुभएको छ । शनिबार झापाको कमल गाउँपालिकाका एक दर्जनभन्दा बढी स्थानीय चोक तथा बजारमा पुगेर ओलीले स्थानीयका माग सुन्नुभएको हो । “म आज मेरा कुरा सुनाउन भन्दा कुरा सुन्न आएको हुँ,” कमल गाउँपालिकाको क्याम्पामा स्वागतका लागि बसेका स्थानीयलाई सम्बोधन गर्दै उहाँले भन्नुभयो, “सबैका भावना र माग समेटेर हामी मुलुकलाई समृद्ध बनाउने अभियानमा जुटेका छौँ ।” उहाँले यस क्षेत्रको विकासमा आफूले कहिल्यै कञ्जुस्याइँ नगरेको समेत स्पष्ट पार्नुभयो ।
आफूलाई आफ्नो निर्वाचन क्षेत्रमा बारम्बार आउन मन भए पनि राष्ट्रिय राजनीति र मुलुकलाई सही दिशा निर्देश गर्न केन्द्रमा रहनुपर्ने बाध्यताले बाक्लो उपस्थिति जनाउन नसकेको उहाँले बताउनुभयो । उहाँले भन्नुभयो, “यहाँका समस्या र विकासप्रतिको चाहना मैले राम्ररी बुझेको छु ।” कसैको भ्रम र डरमा नपरी देश बनाउने पक्षमा खुलेर आउन उहाँले मतदातालाई आग्रह गर्नुभयो ।
“अब देशलाई समृद्ध बनाउने सपना साकार पार्न यहाँहरूको योगदान जरुरी छ,” मतदातासँग उहाँले भन्नुभयो । आगामी फागुन २१ गते हुन गइरहेको प्रतिनिधि सभा निर्वाचनमा ओली झापा क्षेत्र नमबर ५ बाट प्रतिनिधि सभाका लागि उम्मेदवार हुनुहन्छ ।
ओली हिजो शुक्रबार झापा जानु भएको हो ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
सांस्कृतिक धरोहर बचाउन एकजुट बेलायतमा बस्ने नेपाली
वाई.सी.एल.को श्रमदान अभियानमा युवाको उत्साह,
बेलायतस्थित नेपाली दूतावासले नेपाली सामुदायिक संस्थालाई अभिभावकत्व दिने
