News by: helpline
शशी कार्की एडिण्बरा, स्कट्ल्याण्ड । बेलायतका लागि नेपाली कार्यबाहक राजदुत बिपिन दुवाडी र हिमालयन सेन्टर फर आर्ट एण्ड कल्चर संस्थाको कार्यसमितिबीच बिविध विषयमा छलफल भएको छ ।
बेलायतमा नेपाली कला र संस्कृतिको प्रबद्र्धनमा महत्वपूर्ण योगदान दिएको हिमालयन सेन्टर फर आर्ट एण्ड कल्चर संस्थाका पदाधिकारी तथा सदस्यहरु र कार्यबाहक राजदूत दुवाडीबीच आज संयुक्त छलफल भएको हो । सो अवसरमा संस्थाको संरक्षण र बिकासका लागि कसरी बिदेशमा रहेका नेपालीहरुलाई जोड्न सकिन्छ भन्ने कुरामा पनि गहन कुराकानी भएको थियो ।
सो अवसरमा बेलायतमा रहेका अग्रज नेपाली,गैर आवासीय नेपाली संघ आवद्ध व्यक्तित्वहरुले हिमालयन सेन्टर हाम्रो पहिचान, कला–संस्कृति र सामुदायिक कल्याणको प्रमुख आधार रहेको र यसलाई दिगो, सक्षम र समुदाय–केन्द्रित बनाउने मार्ग खोज्न दूतावाससँगको सम्वाद महत्वपूर्ण रहेको बताएका थिए । बिदेशमा नेपाल र नेपालीको पहिचानको महत्वपूर्ण थलो बनेको हिमालयन सेन्टर फर आर्ट एण्ड कल्चर नामको संस्था रहेको भवन आर्थिक अभावका कारण जर्जर भएको अवस्थामा संस्थाको कार्यसमिति र स्थानीय नेपालीहरुबीच संस्थाको संरक्षण र बिकास एवं यसको महत्वलाई सधैभरी चिरस्थायी बनाउन २ लाख ५० हजार पाउण्ड संकलन गरिने प्रस्ताव पनि गरिएको संस्थाका निर्देशक शशी कार्कीले जानकारी दिनुभयो । सो अवसरमा गैरआवासीय नेपालीका प्रतिनिधि,स्थानीय समाजसेवी लगायतले संस्थाको संरक्षणको अभिभावकत्व ग्रहण गर्न कार्यबाहक राजदूत दुवाडीलाई आग्रह गरेका थिए ।
सो अवसरमा दुवाडीले बेलायतमा रहेका नेपालीहरुसँग सहकार्य र समन्वय गरेर दुताबास अघि बढ्ने प्रतिवद्धता जनाउनु भएको थियो । संस्थाका अध्यक्ष मनिश खत्रीको अध्यक्षतामा भएको कार्यक्रमको सञ्चालन समितिकी निर्देशक कमला श्रेष्ठले गर्नुभएको थियो । छलफलमा बौद्धिक व्यक्तित्वहरु मोती खरेल, श्याम लिम्बु , सरोज राज जोशी तथा कार्यक्रममा सहभागीहरु गैरआवासीय नेपाल संघ (एनआरएनए) बेलायतका महासचिव दिवाकर पाण्डे, महिला उपाध्यक्ष कमला श्रेष्ठ,फाईफ कम्युनिटीका पूर्ब अध्यक्ष राम बगाले , एनआरएनए बेलायतका पूर्ब सचिब तारानाथ भण्डारी, एनआरएनए स्कट्ल्याण्डका पूर्ब अध्यक्ष काशीराम भण्डारी लगायतले सस्थाको संरक्षणका बिबिध पक्षमा आ–आफ्नो भनाई राख्नु भएको थियो ।
यसै शिलशिलामा दुताबालले आफ्नो एक दिने घुम्ती सेवा पनि आजै ग्लास्गोमा सम्पन्न गर्दैछ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
वाई.सी.एल.को श्रमदान अभियानमा युवाको उत्साह,
सांस्कृतिक धरोहर बचाउन एकजुट बेलायतमा बस्ने नेपाली
बेलायतस्थित नेपाली दूतावासले नेपाली सामुदायिक संस्थालाई अभिभावकत्व दिने
