News by: helpline
काठमाडौं । केही दिन अघि राष्ट्रिय स्वतन्त्र पार्टी(रास्वपा)का सभापति रबि लामिछानेसँग भेटेर राजनीतिक भेटवार्ता शुरु गर्नु भएका काठमाडौं महानगरपालिकाका मेयर बालेन साहले आज बिहीबार राजनीतिक भेटघाटलाई अझ तीब्रता दिनुभएको छ ।
बिहीबार पनि बालेनसँग रास्वपाका सभापति लामिछाने जेनजी अभियान्ता, बिभिन्न राजनीतिक एवं सामाजिक ब्यक्तित्वले भेट गरेका थिए ।
ललितपुरको ज्वागलस्थित कुमार बेन निवासमा बालेनले दिनभर राजनीतिक कार्यकर्ता जेनजी र अभियन्तासँग भेटघाट गर्नुभयो । बालेन यति बेला विभिन्न पक्षसँग सहकार्य वा एकताको बाटो हिँड्ने कि आफैं नयाँ पार्टीमार्फत् अघि बढ्ने चिन्तन र छलफलमा बालेनको सक्रियताले नयाँ तथा वैकल्पिक राजनीतिक शक्तिहरू आगामी निर्वाचनमा एकीकृत शक्ति बनाएर जाने कसरतमा जुटेका तर्फ संकेत गरेको छ ।
अहिले पनि नयाँ राजनीतिक दल नेता र अभियान्त बीच एकीकृत बैकल्पिक शक्तिको एजेण्डा र भावि नेतृत्वको विषयमा छलफल जारी रहेको छ । समानुपातिकतर्फ उम्मेदवारी मनोनयन दर्ता गर्ने मिति नजिकिँदै जाँदा नयाँ दलहरूले भेटघाट, छलफल र बार्ता–संवादहरू तीव्र बनाउँदै लगेका हुन ।
केहि दिन यता भएका भेटघाटमा आशन्न निर्वाचनका लागि साझा एजेण्डा, सिट बाँडफाँड, उम्मेदवार छनोट र चुनावी रणनीतिबारे प्रारम्भिक छलफल भइरहेको बताइएको छ । भ्रष्टाचार नियन्त्रण, सुशासन, सेवा प्रवाह सुधार र युवामुखी राजनीति साझा एजेण्डाका रूपमा अगाडि सार्ने तयारी उनिहरुले गरेका छन् ।
एकीकृत शक्तिका रूपमा निर्वाचनमा जाने विषयमा अझै औपचारिक सहमति नभएपनि बालेन रबि लामिछाने,जेनजी अभियान्ता,नयाँ बैकल्पिक भनिएका दलहरुबीच संवाद जारी छ ।
आगामी फागुन २१ गते प्रतिनिधि सभाको निर्वाचनको मिति तय भएको अवस्थामा यो भेटघाटलाई अर्थपूर्ण रुपमा हेरिएको छ ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
सांस्कृतिक धरोहर बचाउन एकजुट बेलायतमा बस्ने नेपाली
वाई.सी.एल.को श्रमदान अभियानमा युवाको उत्साह,
बेलायतस्थित नेपाली दूतावासले नेपाली सामुदायिक संस्थालाई अभिभावकत्व दिने
