News by: helpline
काठमाडौं । राष्ट्रियसभाका रिक्त चार समितिका सभापति निर्विरोध चयन भएका छन् ।
मंगलबार सम्बन्धित समितिका ज्येष्ठ सदस्यको अध्यक्षतामा बसेका समिति बैठकमा दलहरूबीचको सहमतिका आधारमा एक/एक उम्मेदवारको प्रस्ताव परेपछि उहाँहरू निर्विरोध निर्वाचित हुनुभएको हो ।
निर्विरोध निर्वाचित हुनेहरूमा सार्वजनिक नीति तथा प्रत्यायोजित विधायन समितिमा पूजा चौधरी, सङ्घीयता सबलीकरण तथा राष्ट्रिय सरोकार समितिमा जयन्तीदेवी राई, विकास, आर्थिक मामिला तथा सुशासन समितिमा कृष्णप्रसाद पौडेल र विधायन व्यवस्थापन समितिमा कृष्णबहादुर रोकाया हुनुहन्छ ।
राष्ट्रिय सभामा प्रतिनिधित्व गर्ने नेपाली कांग्रेस, नेकपा एमाले, नेपाली कम्युनिस्ट पार्टी र जनता समाजवादी पार्टी नेपालले समितिका सभापतिमा भागवण्डा गरेका थिए । भागबण्डामा एमालेले राष्ट्रिय सभाको उपाध्यक्ष पाएको थियो ।
उपाध्यक्षमा एमाले सांसद लीला भण्डारी निर्विरोध हुनुभएको थियो उहाँले मंगलबारनै पद तथा गोपनीयताको शपथ लिएर पदभारसमेत ग्रहण गरिसक्नु भएको छ । विधायन समितिमा निर्वाचित चौधरी जनता समाजवादी पार्टी नेपालकी सांसद हुनुहन्छ । त्यसैगरी राष्ट्रिय सरोकार समितिमा निर्वाचित राई नेकपाकी सांसद हुनुहन्छ ।
विधायन व्यवस्थापन समितिमा निर्वाचित रोकाय कांग्रेसका राष्ट्रिय सभामा प्रमुख सचेतक हुनुहन्छ । यसैगरी आर्थिक मामिला तथा सुशासन समितिमा निर्वाचित पौडेल कांग्रेसका सांसद हुनुहन्छ ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
सांस्कृतिक धरोहर बचाउन एकजुट बेलायतमा बस्ने नेपाली
वाई.सी.एल.को श्रमदान अभियानमा युवाको उत्साह,
अष्ट्रेलियामा एभरेस्ट मार्शल आर्टस एकेडेमीको ऐतिहासिक सफलताः पहिलो सहभागितामै तीन पदक
