News by: helpline
काठमाडौं । नेकपा एमालेका वरिष्ठ उपाध्यक्ष तथा ११ औँ महाधिवेशनमा अध्यक्ष पदका उम्मेदवार ईश्वर पोखरेलले पार्टी अध्यक्ष केपी शर्मा ओलीले जेनजी आन्दोलनबारे छानबिन गर्न बनेको आयोगमा उपस्थित भएर बयान दिनुपर्ने बताउनुभएको छ ।
बुधबार राजधानीमा सम्पादकहरूसँगको अन्तरक्रियामा बोल्दै पोखरेलले आयोगको अवज्ञा गर्न नहुने धारणा राख्नु भएको हो । आयोगले बोलाएको समयमा बयान दिन जानु स्वाभाविक प्रक्रिया भएको उल्लेख गर्दै पोखरेलले भन्नुभयो, ’त्यो आयोगमा बयान दिन जाने कुरा स्वाभाविक हो। म भएको भए अझै अगाडि नै गएर बयान दिन जाने थिएँ। त्यसको अवज्ञाले राम्रो गर्दैन ।’ पोखरेलले आयोगका अध्यक्षको भूमिका र प्रस्तुतिमाथि प्रश्न उठाउने ठाउँ भए पनि कानुनी प्रक्रियालाई सम्मान गर्नुपर्नेमा जोड दिनुभयो।
पोखरेलले आफूले कुनै झोंकमा पार्टी अध्यक्षमा उम्मेदवारी घोषणा नगरेको बताउनुभयो । उहाँले ‘प्यानल बनाउने, नबनाउने भन्ने कुरा होइन । यो उम्मेदवारी कुनै झ्वाँक झ्वाँकमा गरिएको विषय होइन । हामीले पार्टीको बैठकमा औपचारिक रुपले जानकारी पनि गराएको हो,’ पोखरेलले भन्नुभयो, ‘सार्वजनिक रुपमा पनि हो । हामी कुनै अस्वभाविक रुपमा प्रस्तुत भएको होइन ।
पार्टी अध्यक्षसँग मैले नै कुरा गरेर केन्द्रीय कार्यालयमा औपचारिक रुपमा दर्ता गरेको हो ।’ उहाँले पार्टीमा विचारबारे विवाद नभएको पनि उल्लेख गर्नुभयो ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
वाई.सी.एल.को श्रमदान अभियानमा युवाको उत्साह,
सांस्कृतिक धरोहर बचाउन एकजुट बेलायतमा बस्ने नेपाली
बेलायतस्थित नेपाली दूतावासले नेपाली सामुदायिक संस्थालाई अभिभावकत्व दिने
