News by: helpline
काठमाडौं । राष्ट्रिय स्वतन्त्र पार्टी (रास्वपा) र उज्यालो नेपाल पार्टीबीचको एकता १२ दिनमै भंग भएको छ ।
रास्वपासँग एकता भंग भएसँगै उज्याले नेपालका पार्टी अध्यक्ष कुलमान घिसिङले राष्ट्रिय स्वतन्त्र पार्टीसँग पुस १४ मा सहमति गरेपछिका १२ दिन अत्यन्तै पीडादायी भएको बताएको छ । रास्वपासंगको पार्टी एकता भएसँगै घिसिङले एकतर्फी रूपमा रास्वपाले सहमति भंग गरेको उल्लेख गर्नुभयो । उज्यालो नेपालको पार्टी केन्द्रीय कार्यालयमा शनिबार पत्रकार सम्मेलन गर्दै घिसिङले रास्वपासँग सहमति गरेर आफूले क्षति बेहोरेको पनि बताउनुभयो । ’छिटो सहकार्यमा जाऔं भन्ने कुरामा लामो समय लिनुभयो ।
समानुपातिकमा पनि लामो समय लिनुभयो । समानुपातिकमा सबै कुरा त्यागेर छोडेका थियौं । यो लामो समयसम्म इन्गेज गरेर बस्नुपर्दाखेरि पार्टीले ठूलो क्षति बेहोर्नुपरेको छ,’ घिसिङले भन्नुभयो, ’आज अन्तिम दिनमा एकतर्फी रुपमा उहाँहरूले सहमति भंग भएको घोषणा गर्नुभएको थियो ।
एकतर्फी रुपमा सहमति भंग भएको उहाँले मलाई जानकारी गर्नुभयो र मिडियामा त्यसरी आयो । हाम्रा लागि यो १२ दिन अत्यन्तै पीडादायी भयो ।’ घिसिङले रास्वपाका नेताहरूले अलिखित सहमति कार्यान्वयनमा चासो नदेखाएको भन्दै पुस १४ मा ७ बुँदे लिखित सम्झौताका अलावा अलिखित सहमति पनि भएको तर त्यो कार्यान्वयन नगरिएको उल्लेख गर्नुभयो ।
संविधान, संघीयता, समावेशितालगायतका विषयमा पूरक सहमति गर्नका लागि आग्रह गरेको तर सुरुमा हुन्छ भनेर रास्वपा नेतृत्व पछि हटेको पनि घिसिङले बताउनुभयो । स्रोतका अनुसार अन्य पार्टीबाट पनि आएकालाई घिसिङले रास्वपामा स्थान दिनुपर्ने अडान राख्नु भएको थियो ।
तर रास्वपाका सभापति रबि लामिछानेले अरु पार्टीबाट आएकाले भविष्यमा गुटबन्दी गर्ने र आफूलाई कमजोर बनाउन सक्ने भन्दै कुनै पार्टीमा नलागेका कलाकार,पत्रकार लगायतका भोट तान्न सक्ने सेलीब्रेटीलाई मात्रै पार्टीमा स्थान दिइने र त्यही अवस्थामा बालेन साहसँग पनि सहमति भएको र उहाँले भनेका २६ जनालाई केन्द्रीय सदस्य बनाउने सहमति भएको स्रोतले बताएको छ ।
उता कुलमानले भने रास्वपा वा उज्यालो पार्टी भनेर आएकालाई स्थान दिनुपर्ने अडान राख्नु भएको थियो ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
सांस्कृतिक धरोहर बचाउन एकजुट बेलायतमा बस्ने नेपाली
वाई.सी.एल.को श्रमदान अभियानमा युवाको उत्साह,
बेलायतस्थित नेपाली दूतावासले नेपाली सामुदायिक संस्थालाई अभिभावकत्व दिने
