helpline khabar

आज सरकार राजनीतिक दल र जेनजीबीच त्रिपक्षीय वार्ता हुँदै

1 महिना अगाडी

News by: helpline

Shares: 4

काठाडौं । प्रधानमन्त्री सुशीला कार्कीले राजनीतिक दल र जेनजी प्रतिनिधिहरूसँग आज छलफल गर्नुहुने भएको छ ।

अन्तरिम सरकारी प्रधानमन्त्री कार्कीले राष्ट्रिय मान्यता प्राप्त दलहरू र जेनजी अगुवालाई एकै ठाउँमा राखेर पहिलोपटक त्रिपक्षीय लाग्नु भएको हो । छलफल अपराह्न ४ बजे प्रधानमन्त्रीको सरकारी निवास बालुवाटारमा हुनेछ ।

प्रतिनिधि सभा निर्वाचनको वातावरणका लागि सघन वार्ता र छलफल गरिरहेको सरकारले पहिलो पटक राजनीतिक दल र जेनजी पुस्तासँग वार्ताको वाताबरण बनाएको हो । यसअघि यही कात्तिक ४ गते सरकार र राजनीतिक दलबिच सर्वदलीय छलफल भएको थियो ।

प्रधानमन्त्री कार्कीको आह्वानमा भएको सर्वदलीय बैठकमा आवश्यक वातावरण बनाएर निर्धारित समयभित्रै निर्वाचन सम्पन्न गर्ने गरी सबै पक्ष सकारात्मक भएका थिए । सरकारले निर्वाचन आयोगसँग पनि विभिन्न चरणमा छलफल गरी निर्वाचनको वातावरणका निम्ति ताकेता गरिरहेको छ । सरकारले आगामी फागुन २१ गतेका लागि प्रतिनिधि सभाको निर्वाचनको मिति तय गरेको छ ।