News by: helpline
काठमाडौं। नेपाल आईसीसी टी–२० विश्वकप क्रिकेटमा इटालीसँग १० विकेटले पराजित भएको छ ।
इटालीसँग बेहोर्दै नेपाल विश्वकपको सुपर ८ दौडबाट बाहिरिएको छ। नेपालले दिएको १२४ रनको सामान्य लक्ष्य इटालीले कुनै पनि विकेट नगुमाई १२.४ ओभरमै पूरा गर्दै १० विकेटको प्रभावशाली जित हात पारेको हो। जितसँगै समूह ‘सी’मा इटालीले २ अंक जोडेको छ। इटाली पहिलो खेलमा स्कटल्यान्डसँग ७३ रनले पराजित भएको थियो।
नेपालको भने यो लगातार दोस्रो हार हो। यसअघि इङ्ल्यान्डसँग नेपाल ४ रनले पराजित भएको थियो। यो समूहमा अपराजित रहेको वेस्ट इन्डिजको ४ अंक छ। इङ्ल्यान्ड र स्कटल्यान्डको समान २ अंक छ। इटालीका ओपनर जस्टिन मोस्का र एन्थोनी मोस्काले सुरुदेखि नै आक्रामक ब्याटिङ गर्दै नेपालको बलिङ आक्रमणलाई दबाबमा राखे।
जस्टिन मोस्का ४४ बलमा ५ चौका र ३ छक्कासहित अविजित ६० रनमा रहे। एन्थोनी मोस्काले झन् आक्रामक प्रदर्शन गर्दै ३२ बलमा ३ चौका र ६ छक्कासहित अविजित ६२ रन बनाए। दुवैबीच पहिलो विकेटका लागि १२४ रनको अविजित साझेदारी भयो। नेपालका कुनै पनि बलरले विकेट लिन सकेनन्।
सन्दीप लामिछानेले ३ ओभरमा ३१ रन खर्चिए भने करण केसीले २ ओभरमा २१ रन दिए। दीपेन्द्रसिंह ऐरीले ३.४ ओभरमा २४ रन खर्चिए। ललित राजवंशीको एक ओभरमा १९ रन बनाए ।
मुख्य समाचार
No ad available.
सम्बन्धित खबर
No ad available.
पढ्नै पर्ने
दिलिप गुरुङको समूहलाई फ्रान्स सरकारद्वारा आधिकारिकता प्रदान
सांस्कृतिक धरोहर बचाउन एकजुट बेलायतमा बस्ने नेपाली
वाई.सी.एल.को श्रमदान अभियानमा युवाको उत्साह,
बेलायतस्थित नेपाली दूतावासले नेपाली सामुदायिक संस्थालाई अभिभावकत्व दिने
